ဂျပန်အစိုးရက စားသောက်ဆိုင်လုပ်ငန်းတွင် အလုပ်လုပ်မည့် Tokutei Ginou (Specified Skilled Worker) နိုင်ငံခြားသားများအတွက် ဗီဇာလျှောက်ထားမှုအသစ်များကို ဧပြီ ၁၃ ရက်မှစတင်ပြီး ယာယီရပ်ဆိုင်းလိုက်ကြောင်း သိရပါတယ်။
ယခုဆုံးဖြတ်ချက်မှာ စားသောက်ဆိုင်ကဏ္ဍအတွက် သတ်မှတ်ထားသော နိုင်ငံခြားအလုပ်သမား quota အရေအတွက် ၅၀,၀၀၀ နီးပါးပြည့်လာနေခြင်းကြောင့် ဖြစ်တယ်လို့ ဂျပန်မီဒီယာများက ဖော်ပြထားပါတယ်။
အထူးသဖြင့် izakaya၊ restaurant chain နှင့် food service လုပ်ငန်းများတွင် မြန်မာ၊ ဗီယက်နမ်နှင့် ဖိလစ်ပိုင်နိုင်ငံသားများ အများအပြား အလုပ်လုပ်နေကြပြီး ကုမ္ပဏီအချို့မှာ အလုပ်ချိန်လျှော့ချခြင်းနှင့် ဆိုင်အသစ်ဖွင့်မည့်အစီအစဉ်များ ပြန်လည်သုံးသပ်နေကြောင်း သိရပါတယ်။
လက်ရှိတွင် လျှောက်ထားပြီးသား Certificate of Eligibility (COE) များကို ဆက်လက်စစ်ဆေးပေးနိုင်သော်လည်း quota ပြည့်သွားပါက နှောင့်နှေးမှုများ ဖြစ်နိုင်တယ်လို့ Immigration ဘက်မှ ပြောထားပါတယ်။
ဂျပန်တွင် စားသောက်ဆိုင်အလုပ်လုပ်ရန် Tokutei Ginou ဖြင့် လာရန် စီစဉ်နေသော မြန်မာနိုင်ငံသားများအနေဖြင့် recruitment company သို့မဟုတ် employer များနှင့် အမြန်ဆုံးအခြေအနေစစ်ဆေးထားရန် လိုအပ်လာနေပါတယ်။
ဘာကြောင့် အရေးကြီးလဲ
ဂျပန်ရှိ စားသောက်ဆိုင်လုပ်ငန်းသည် မြန်မာအလုပ်သမားများ အများဆုံးဝင်ရောက်လုပ်ကိုင်နေသော sector တစ်ခုဖြစ်ပါတယ်။ ဗီဇာအသစ်များ ယာယီရပ်ဆိုင်းခြင်းကြောင့် အလုပ်အကိုင်အသစ်ရရှိရန် စောင့်ဆိုင်းနေသူများအပေါ် သက်ရောက်မှုရှိလာနိုင်ပါတယ်။
