ဂျပန် လူဝင်မှုကြီးကြပ်ရေးဌာနသည် 留学 (ကျောင်းသား) နေထိုင်ခွင့်ဖြင့် နေထိုင်နေသော နိုင်ငံခြားသားကျောင်းသားများ၏ အလုပ်လုပ်ကိုင်မှုနှင့် ဂျပန်ဘာသာအရည်အချင်း စစ်ဆေးမှုများကို ပိုမိုတင်းကျပ်သွားမည့် အစီအစဉ်များကို ထုတ်ပြန်ခဲ့သည်။
ထုတ်ပြန်ချက်အရ ဂျပန်ဘာသာကျောင်းများနှင့် ပူးပေါင်း၍ 留学生 များ၏ 資格外活動 (ခွင့်ပြုထားသည့် အချိန်ပိုင်းအလုပ်) အခြေအနေများကို ပိုမိုစနစ်တကျ စစ်ဆေးသွားမည်ဖြစ်သည်။
၂၀၂၆ ခုနှစ် ဧပြီလမှ စတင်ကာ ဂျပန်ဘာသာပညာရေးအဖွဲ့အစည်းများသည် 留学生 များ၏ အလုပ်လုပ်ကိုင်နေသည့်နေရာ၊ အလုပ်အမျိုးအစားနှင့် အလုပ်ချိန်များကို ၃ လတစ်ကြိမ် စစ်ဆေးရမည်ဖြစ်ကြောင်း ဖော်ပြထားသည်။
ထို့အပြင် 留学生 များ အများအပြား အလုပ်လုပ်နေသည့် အခြေအနေများနှင့် တရားမဝင်အလုပ်လုပ်ကိုင်မှု ဖြစ်နိုင်ခြေရှိသည့် ကိစ္စများကို လူဝင်မှုကြီးကြပ်ရေးဌာနထံ အကြောင်းကြားရမည်ဟုလည်း ဆိုထားသည်။
တစ်ဖက်တွင် ၂၀၂၆ ခုနှစ် ဇူလိုင်လမှစတင်၍ ဂျပန်ဘာသာကျောင်းသို့ တက်ရောက်မည့်သူများအတွက် ဂျပန်ဘာသာအရည်အချင်း စစ်ဆေးမှုကို ပိုမိုတင်းကျပ်သွားမည်ဖြစ်ကြောင်း သိရသည်။
လက်ရှိတွင် CEFR A1 အဆင့်နှင့်ညီမျှသော ဂျပန်ဘာသာအရည်အချင်းကို စစ်ဆေးနေပြီး၊ ယခင်က ဂျပန်ဘာသာသင်ကြားချိန် နာရီ ၁၅၀ ပြည့်ပါက လက်ခံပေးခဲ့သော်လည်း၊ အနာဂတ်တွင် ဂျပန်ဘာသာစာမေးပွဲအောင်လက်မှတ် သို့မဟုတ် ဂျပန်ဘာသာကျောင်း၏ အင်တာဗျူးစစ်ဆေးမှုဖြင့် အတည်ပြုသွားမည်ဖြစ်ကြောင်း ဖော်ပြထားသည်။
ဂျပန်အစိုးရသည် နိုင်ငံခြားသားကျောင်းသားများ၏ နေထိုင်မှုနှင့် အလုပ်လုပ်ကိုင်မှု စီမံခန့်ခွဲရေးကို ပိုမိုတင်းကျပ်စေရန်နှင့် တရားမဝင်အလုပ်လုပ်ကိုင်မှုများ လျော့နည်းစေရန် ရည်ရွယ်ထားကြောင်း သုံးသပ်ထားသည်။
